Halk diplomatiýasynyň resmi diplomatiýanyň işini netijeli taýdan doldurmalydygy barada türkmen halkynyň Milli Lideri, Gahryman Arkadagymyz, Türkmenistanyň Halk Maslahatynyň Başlygy Gurbanguly Berdimuhamedow Aşgabatda geçirilen ýurdumyzyň hemişelik Bitaraplygynyň 30 ýyllygyna bagyşlanan halkara forumda çykyş edende aýtdy. Bu barada Türkmenistanyň resmi metbugaty habar berdi.

Gahryman Arkadagymyz häzirki wagtda Parahatçylyk we ynanyşmak taglymatyny ösdürmek üçin diňe adaty diplomatik usullar bilen çäklenmän, gepleşikleriň dürli görnüşlerini, parlament diplomatiýasyny, şeýle hem zenanlar we ýaşlar diplomatiýasynyň mümkinçiliklerini giňden peýdalanmagyň zerurdygyny belledi.

Milli Liderimiziň bellemegine görä, Türkmenistan bu ugurda yzygiderli çäreleri durmuşa geçirýär. Soňky ýyllarda ýurdumyzda halkara we sebit derejesinde giň gerimli forumlar hem-de beýleki möhüm çäreler geçirildi. Bu bolsa halk diplomatiýasynyň syýasy çözgütleriň kabul edilmegine goşmaça täsir ýetirip bilýän möhüm gural hökmünde resmi diplomatiýany goldamalydygyny tassyklaýar.

Arslan Jumanazarow,

Türkmenistanyň Daşary işler ministrliginiň
Halkara gatnaşyklary institutynyň talyby.