Türkmenistan 11–13-nji mart aralygynda Daşkent şäherindäki “Uzexpocentre” sergi merkezinde geçiriljek “Agroworld Uzbekistan 2025” atly 20-nji halkara oba hojalyk sergisine gatnaşmaga çagyryldy. Bu barada Türkmenistanyň Söwda-senagat edarasy habar berýär.

Sergi oba hojalyk tehnikalaryna, ekinleriň önümçilik tehnologiýalaryna, maldarçylyga, weterinariýa hem-de oba hojalyk önümleriniň gaýtadan işlenilişi we saklanylyşy bilen baglanyşykly meseleleri öz içine alar.

“Agroworld Uzbekistan” sergisi Özbegistanyň obasenagat pudagynyň wekillerini bir ýere jemleýän möhüm çäräniň biri bolup, sergä gelenleriň 84 göterimi satyn almak bilen baglanyşykly işleri ýerine ýetirýär. Bu çäre oba hojalyk önümleriniň öndürilmegi, gaýtadan işlenilmegi we saklanylyşy bilen meşgullanýan kärhanalaryň döwrebaplaşdyrylmagy boýunça meýilnamalaryň işlenip düzülmeginde möhüm orny eýeleýär.

“Agroworld Uzbekistan 2025” halkara sergisi Merkezi Aziýa bazaryndaky kompaniýalar üçin täze mümkinçilikleri açyp, gatnaşyjylara innowasion çözgütleri we ýörite teklipleri hödürleýär.

Toýly GYLYÇMYRADOW,
 

S.A.Nyýazow adyndaky Türkmen oba hojalyk
uniwersitetiniň talyby.