logo

Soňky täzelikler:
✦ Dil bilen dünýäni gezer ✦ ✦ Ýaşlar — Watanymyzyň geljegi ✦ ✦ Bilim bermekde okuwçynyň pikirleniş ukybyny ösdürmek möhümdir ✦ ✦ Garabogaz - Gazagystan serhetýaka awtomobil ýolunyň 44 kilometrlik bölegi açyldy ✦ ✦ Daşoguzda ýylda 700 müň tonna azotly dökün öndürjek toplum gurlar ✦ ✦ Daşoguzda pagta çigidini gaýtadan işleýän täze kärhana gurlar ✦ ✦ Aşgabat - Daşoguz awtomobil ýoly täze tapgyrda ulanylmaga beriler ✦ ✦ Daşoguz welaýatynda ulag we senagat ösüşiniň täze taslamalaryna badalga berildi ✦ ✦ Ykdysadyýetiň görnüşleriniň ösüşi ✦ ✦ Ylym-bilim ulgamynda sanly tehnologiýalar ✦
Baş sahypa / Ykdysadyýet /Türkmen wekiliýeti halkara ykdysady foruma gatnaşar
  22.03.2025
1042
Türkmen wekiliýeti halkara ykdysady foruma gatnaşar

Türkmen wekiliýeti 14–16-njy maý aralygynda geçiriljek “Russia Halal Expo” halkara sergisine gatnaşar. Bu sergi “Russiýa — Yslam dünýäsi: KazanForum” atly halkara ykdysady forumyň çäklerinde guralýar.

 

Türkmenistan sergide milli medeniýetini, söwda-ykdysady we maýa goýum mümkinçiliklerini, eksport ugurly täze önümlerini tanyşdyrar. Ýurduň ykdysadyýetiniň dürli ugurlaryndan wekiller we hususy haryt öndürijiler hem bu çärä gatnaşarlar diýip, Türkmenistanyň resmi metbugaty habar berýär.

 

Türkmenistanyň Prezidenti Serdar Berdimuhamedow halkara sergilere yzygiderli gatnaşmagyň söwda-ykdysady gatnaşyklaryň ösmegine goşant goşýandygyny belläp, türkmen haryt öndürijileriniň Kazandaky sergä gatnaşmagyny goldady. 

 

2009-njy ýyldan bäri geçirilýän “Russiýa — Yslam dünýäsi: KazanForum” soňky 15 ýylda möhüm meseleleri maslahatlaşmak, bilelikdäki taslamalary durmuşa geçirmek we maýa goýum mümkinçiliklerini tanyşdyrmak üçin möhüm meýdança hökmünde tanaldy. Bu forum rus kompaniýalarynyň Yslam dünýäsiniň ýurtlary bilen işewür gatnaşyklaryny pugtalandyrmagyna hem ýardam berýär.

 

Garagyz AKMYRADOWA,

Myrat Garryýew adyndaky
Türkmenistanyň Döwlet lukmançylyk
uniwersitetiniň Medisina ekologiýasy we
gigiýena kafedrasynyň uly mugallymy.