Lukmançylyk ylymlarynyň doktory, professor Gurbanguly Berdimuhamedowyň “Türkmenistanyň dermanlyk ösümlikleri” atly kitabynyň 15-nji jildiniň tanyşdyrylyş dabarasy Daşoguz welaýatynda ýerleşýän Türkmen oba hojalyk institutynyň medeniýet merkezinde ýokary guramaçylyk bilen geçirildi. Bu geçirilen çärede institutymyzyň mugallymlary Serdar Sopyýew, Aýjeren Tagandyrdyýewa ýaly halypa mugallymlarymyz öz ýürek buýsançlary bilen çykyş etdiler. Ýurdumyzda ösýän dermanlyk ösümlikleri baradaky ylmy-ensiklopedik iş dünýäniň köp dillerinde neşir edilip, daşary ýurtly okyjylara hem hödürlenildi.Gahryman Arkadagymyzyň bu täze kitabynda dermanlyk ösümlikleriň birnäçe görnüşleri şol sanda endemik ösümlikleriň dermanlyk häsiýetleri, halk lukmançylygynda ulanylyşy giňişleýin bellenilip geçilendir.

     Gahryman Arkadagymyzyň her bir kitaby biri-birinden manyly bolup, biz ýaşlara durmuşda ýüze çykýan kynçylykly ýagdaýlarda baş alyp çykmakda ýol ýörelge bolup durýar. Kitap şol sanda Milli Liderimizden biz ýaşlara,ähli türkmen halkyna,bütin adamzada ýadygärlik bolup durýar.

Marguş GURDOW,

Türkmen oba hojalyk institutynyň

Gidromeliorasiýa we oba hojalygyny mehanizmleşdirmek fakultetiniň

3-nji ýyl talyby.