2025-nji ýylyň 2-nji oktýabrynda Şarja şäherinde Türkmen–Emirlik işewürler forumy geçirildi. Çäre Türkmenistanyň Söwda-senagat edarasy, Şarjanyň Söwda-senagat edarasy we BAE-niň Söwda-senagat edaralarynyň Federasiýasy tarapyndan bilelikde guraldy. Foruma iki ýurduň işewür toparlarynyň wekilleri gatnaşyp, ykdysadyýet, maýa goýumlar, senagat we gaýtadan dikeldilýän energiýa çeşmeleri babatda hyzmatdaşlygyň mümkinçiliklerini maslahatlaşdylar. Bu barada Türkmesnistanyň Söwda-senagat edarasy habar berdi.

Forumyň dowamynda üstünlikli işewürlik tejribeleri paýlaşıldy, panel çykyşlar we B2B duşuşyklar guraldy. Türkmenistanyň Söwda-senagat edarasynyň başlygy M. Gurdow çykyş edip, bu forumyň türkmen döwletiniň “Açyk gapylar” syýasatyna laýyklykda, Emirlikler bilen gatnaşyklaryň ösdürilmegine hyzmat edýändigini belledi.

Forumyň jeminde gatnaşyjylar hyzmatdaşlygyň täze ugurlaryny kesgitlediler hem-de söwda-ykdysady gatnaşyklaryň has-da giňeljekdigine ynam bildirdiler.

Şamaral GARAÝEWA,

Türkmenistanyň Daşary işler ministrliginiň
Halkara gatnaşyklary institutynyň talyby.