Şu ýylyň 14-nji maýynda Türkiýe Respublikasynda prezident we parlament saýlawlary geçiriler. Bu barada ýurduň Prezidenti Rejep Taýyp Ärdogan ýurduň demirgazyk-günbatarynda ýerleşýän Bursa welaýatynyň ýaşlary bilen geçiren duşuşygynda mälim etdi.

Ärdogan 10-njy martdaky saýlawlary 14-nji maýa geçirmek baradaky karara gol çekjekdigini we 10-njy marta çenli berlen resmi ygtyýarlyklardan peýdalanyljakdygyny, şondan soň saýlawlary geçirmek üçin kanun tarapyndan göz öňünde tutulan 60 günlük möhlete başlanyljakdygyny belläp geçdi.

Türkiýe Respublikasynda prezident we parlament saýlawlary ilkibaşda 18-nji iýunda geçirmek meýilleşdirilipdi. Ýöne möwsümleýin şertlere görä, saýlawlaryň wagty has irki möhletlere süýşürildi.