Ahal welaýaty
logo

Soňky täzelikler:
✦ Raşid Meredow Ýewropanyň täzeleniş we ösüş bankynyň prezidenti bilen gepleşikleri geçirdi ✦ ✦ Kitap — ruhy baýlygyň hazynasy ✦ ✦ Türkmen tebigaty - gözelliginiň nusgasy ✦ ✦ Her penşenbe güni “Ýaşlar güni” bolar! ✦ ✦ 2026-njy ýylyň Oraza aýynda Ahal welaýatynda we Aşgabat, Arkadag şäherlerinde agyz beklenýän we açylýan wagtlar ✦ ✦ Türkmenistan — BAE işewürlik forumy geçiriler ✦ ✦ Halkara zenanlar güni mynasybetli aýal-gyzlara döwlet tarapyndan pul sowgatlary gowşurylýar ✦ ✦ Türkmen ýaş tennisçileri Manamada geçirilen sebit ýaryşynda öňdebaryjy oruny eýelediler ✦ ✦ Edebi eserlerden peýdalanyp çagalara matematiki düşünjäni öwretmek ✦ ✦ Bahar - ýaşlygyň we ýaşaýşyň pasly ✦
Baş sahypa / Ykdysadyýet /TSTB-niň 17 ýyllygy mynasybetli sergi açyldy
  17.03.2025
1067
TSTB-niň 17 ýyllygy mynasybetli sergi açyldy

Şu gün Aşgabatdaky Söwda-senagat edarasynda Türkmenistanyň Senagatçylar we telekeçiler birleşmesiniň (TSTB) döredilmeginiň 17 ýyllygyna bagyşlanan sergi açyldy. Şeýle hem serginiň çäklerinde “Türkmenistanyň geljegine maýa goýumlar” atly halkara forum geçirilýär. Bu barada Türkmenistanyň resmi metbugaty habar berdi.

 

Sergi mynasybetli Türkmenistanyň Prezidenti Serdar Berdimuhamedow bu çärelere gatnaşýanlara gutlag hatyny iberdi. Gutlag hatynda Hormatly Prezidentimiz milli ykdysadyýetde hususy pudagyň ösdürilmeginiň ileri tutulýandygyny nygtap, başlan giň gerimli çäreleriň telekeçileriň döwlet goldawyndan netijeli peýdalanyp, ýurdumyzyň ykdysady ösüşine uly goşant goşýandygyny belleýär.

 

Sergide azyk senagaty, ýeňil senagat, gurluşyk materiallarynyň önümçiligi, dokma, elektronika, mebel, söwda, bilim, mahabat we çaphana ulgamlaryna degişli önümler we hyzmatlar hödürlenýär.

 

Sergi we 18-nji martda açyljak halkara forum 19-njy marta çenli dowam eder.

 

Aýlara RUSLANOWA,

Türkmenistanyň Daşary işler ministrliginiň
Halkara gatnaşyklary institutynyň talyby.