logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Ylym we Bilim /TOHU-da ýaşlaryň marketing bilimini artdyrmak üçin açyk sapak guraldy
  31.03.2026
505
TOHU-da ýaşlaryň marketing bilimini artdyrmak üçin açyk sapak guraldy

2026-njy ýylyň 28-nji martynda Aşgabat şäherinde ýerleşýän S.A. Nyýazow adyndaky Türkmen oba hojalyk uniwersitetinde (TOHU) «XXI asyr marketing» atly açyk sapak geçirildi. Çärede çykyş eden hünärmen Elbek Hudaýarow häzirki zaman marketingiň ösüşleri, täze tehnologiýalaryň roly we sanly dünýäde netijeli iş ýöretmegiň usullary barada giňişleýin düşündiriş berdi.

 

Açyk sapakda gatnaşyjylar häzirki zaman marketing tendensiýalary, sanly marketing, sosial ulgamlaryň täsiri, brend strategiýalary we müşderi bilen netijeli aragatnaşyk gurmagyň usullary barada möhüm maglumatlary aldylar. Çykyşda täze bilimleri amaly taýdan ulanmagyň möhüm bolup durýandygy aýratyn nygtaldy.

 

Çärä talyplar, ýaş telekeçiler we marketing bilen gyzyklanýan beýleki gatnaşyjylar işjeň gatnaşyp, sowallaryna jogap alyp bildiler. Açyk sapak bilim alyşmak, tejribe paýlaşmak we täze pikirleri ösdürmek üçin netijeli platforma boldy.

 

Bu çäre Türkmenistanyň Bilim ministrligi, S.A. Nyýazow adyndaky Türkmen oba hojalyk uniwersiteti, «Ýaş telekeçiler» merkezi hem-de Türkmenistanyň Magtymguly adyndaky Ýaşlar guramasynyň Maglumat, maslahat beriş we meýletinçilik hereketiniň işleri boýunça Merkezi tarapyndan guraldy. Guramaçylar bu ýaly çäreleriň ýaşlaryň bilimini ýokarlandyrmaga, döwrebap pikirlenişini ösdürmäge we telekeçilik ukyplaryny kämilleşdirmäge uly goşant goşýandygyny bellediler.