Tejen etrabynyň Tejen daýhan birleşiginiň çäginde ak altyn ussatlarynyň armasyny ýetirmek maksady Tejen etrap häkimliginiň meýilnamasy esasynda jemgyýetçilik guramalarynyň we etrap medeniýet bölüminiň gurnamagynda günorta arakesmesi wagtynda meýdan düşelgesi gurnaldy.

Bu arakesmä il sylagly ýaşulylar, mehanizatorlar, kärendeçiler gatnaşdy. Medeniýet işgärleriniň çykyşlary, aýdymdyr-sazlaryň ýaňlanmagy bu arakesmä gatnaşanlary belent ruha besledi.

Türkmen halkynyň Milli Lideriniň ýiti zehininden çykan kitaplarynyň sergisi gurnaldy. Şeýlede ýurdumyzda bitýän melhem çaýlar hödürlenildi.

Tejen etrap jemgyýetçilik guramalary tarapyndan kärendeçilere, mehanizatorlara, daýhanlara ýadygärlik sowgatlary gowşuryldy.

Täzegül Hommodowa
Türkmenistanyň Agrar partiýasynyň
Tejen etrap komitetiniň esasy hünärmeni