Ysraýylly arheologlar gadymy adamlaryň otda bişiren ilkinji naharynyň galyndylaryny tapdylar. Arheologlar görnüşi ýitip giden bir sazan balygynyň galyndylaryny seljerip, onuň 780 müň ýyl mundan ozal orta derejedäki pessaý otda bişirilendigi baradaky netijä geldiler.

Oduň tapylmagy gadymy adamlarda, iýmitleri has aňsat siňdirmäge we olary has tagamly edip bişirmäge bolan düşünjäni döredipdir.

Arheologlaryň aýtmagyna görä, bişirilen balyklar, beýniniň ösmegine mümkinçilik beripdir. Olar otdan netijeli peýdalanmagy 1,7 million ýyl ozal öwrenipdirler.