ABŞ-nyň Kolorado uniwersitetiniň alymlary 39,15 milliard ýylda bir sekunt ýitirýän sagat döredip, öňki dünýä rekordyny täzelediler. Sagat bir ölçegli gözenekde gulplanan 40 000 stronsiýa atom ulanylýan, optiki gözenekdäki gurluşdyr. Bu barada New scientist ýazýar.

Bu sagatdaky ýalňyşlygyň näderejede ujypsyzjadygyna düşünmek üçin 39,15 milliard ýylyň 13,8 milliard ýyllyk ýaşy bolan Älemiň barlygyndan, takmynan, üç esse köpdügini bellemek gerek. Bu sagat atom sagadynyň ornuny tutup, ol sekundyň täze kesgitlemesiniň esasynda hereket eder diýlip garaşylýar. Ol absolýut noldan ujypsyzja ýokary geçýän temperaturada işleýär.

Bu sagadyň “sesi” atomdaky elektronlaryň energiýa derejeleriniň arasyndaky geçişdir. Rekord takyklygyndan başga-da, täze sagat otnositellik täsirlere ýokary derejede duýgurdyr. Bu ony agyrlyk güýjüni takyk ölçemek, otnositelligiň  umumy teoriýasyny barlamak we netijede garaňky materiýany öwrenmek üçin iň oňat gural edýär.
 

Döwlet Merdanow,
Türkmen oba hojalyk
institutynyň talyby.