logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Şygryýet /Şygryýet - Näzik MÖWLAMOWA
  11.11.2022
1237
Şygryýet - Näzik MÖWLAMOWA

«Sowgat berdiň» 

Baýlyga tapylmaýan,
Bazarda satylmaýan,
Kyn günde ýykylmaýan
Söýgini sowgat berdiň.

Bolsun ýyl-ýyldan kämil,
Ýalňyz küregi gämiň,
Gyşyň gary deý tämiz
Duýgyny sowgat berdiň.

Oýunbazdyr bu pany,
Seljär günä, sogaby,
Bu ömrümiň dowamy,
Bagtymy sowgat berdiň.

A:t goşular adyňa,
Bat goşular badyňa,
Sen düşersiň ýadyma,
Bagtymy sowgat berdiň. 

«Ogul» 

Jan ogul, janym ogul,
Ýaplansam ýanym ogul!
Ösdürdim, ýetişdirdim,
Bagş edip barym, ogul!

Jägildäp dünýä indiň,
Ysgap, mähriňden gandym,
«Balam» diýip söýündim,
Bagtdan paýym, ogul!

Tanap agy-garany,
Başardyň ýöremäni,
Her sözden alyp many,
Goşuldyň sana, ogul!

Gapak boldy döşleriň,
Üýtgäp gitdi düýşleriň,
Käte çytdym gaşlarym,
Duýmadyň halym, ogul!

Bolduň munda sergezdan,
Sen ýekeje, gyzlar kän,
Ahyr gyssady nikaň,
Gowuşdyň taýa, ogul!

Taýly boldy bir başyň,
Synla töwerek-daşyň,
Bol bolsun nanyň-aşyň,
Ýetirsin käne, ogul!

«Bagtym» diýip seçeniň,
Ilki ýüzün açanyň,
Diýdirmesin «Gaçaýyn»,
Bagyş edip malym, ogul!

Geçer sagat, aý-günler,
Durmuş ýüzün täzelär,
Aladalaň käneler,
Tutarsyň yzym, ogul!

Ak bolar gitjek ýoluň,
Mydama pes tut päliň,
Aglatmagyn yhlasym,
Hakladyň duzum ogul!