Ozal hem habar berşimiz ýaly, ABŞ-da doňduryp barýan sowuk we aýazly günler dowam edýär. Ýaramaz howa şertleri sebäpli ýurtda köp sanly awtoulag heläkçiligi boldy.

Ýurduň Oklahoma, Kentucky, Missouri, Tennessee, Wisconsin, Kansas, Nebraska we Ohio ştatlarynda sowuk aýaz sebäpli 17-den gowrak adam pida boldy.

ABŞ-nyň Milli howa gullugy sowuk howa akymynyň ýene birnäçe günläp dowam etjekdigini mälim etdi. Ýurtda ýatyrylan uçuşlaryň sany 5700-den geçdi. 1 milliondan gowrak öý we kärhana elektriksiz galdy.

ABŞ-nyň hökümeti şeýle sowugyň nesilde bir gezek görülýändigini belleýär.