15-nji ýanwarda, Nepalyň merkezindäki Pokhara sebitinde 72 adamlyk ýolagçy uçary heläkçilige uçrady. Paýlaşylan soňky maglumatlara görä, heläkçilikde 68 adam pida bolupdyr we 4 adam dereksiz ýitipdir. Häzirki wagtda dereksiz ýitenleri gözleg we halas ediş işleri dowam edýär. «Reuters» habar gullugy bu heläkçiligiň soňky 5 ýylyň iň erbet heläkçilikdigini mälim edýär.

Paýtagt Katmandudan Pokhara tarap ýola düşen we «Yeti» howa ýollaryna degişli bolan «ATR 72» kysymly ýolagçy uçary Seti derýasynyň jülgesiniň golaýynda heläkçilige uçrady.

Nepalda bu pajygaly waka sebäpli milli ýas yglan edildi. Heläkçiligi derňemek boýunça gyssagly topar döredildi.

Belläp geçsek, ýolagçy uçarynda 5 hindi, 4 rus, 2 günorta koreý we 53 nepal şeýle hem Irlandiýa, Awstraliýa, Argentina we Fransiýa ýaly ýurtlaryň raýatlarynyň bardygy mälim edilýär.