Her bir ynsanyň ömründe ýatdan çykmajak günler, pursatlar bolýar. 25-nji maý güni bolsa müňlerçe ynsanlaryň ýakymly ýatlamalaryny birleşdirýär. Sebäbi bu gün dürli ýurtlarda ýaşlaryň müňlerçesi orta mekdebi tamamlap, durmuşyň täze menzillerine ak pata alýarlar.

Türkmenistanyň umumybilim berýän orta mekdeplerinde okuw ýylynyň tamamlanmagy mynasybetli baýramçylyk dabaralary geçirildi. Bu nurana baýram soňky jaňyň kakylmagy bilen ýaş oglanlaryň we gyzlaryň on müňlerçesiniň durmuşynda ýatdan çykmajak pursatlara beslendi.