logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Ykdysadyýet /Sebitara ykdysady hyzmatdaşlygy ösdürilýär
  28.03.2025
1948
Sebitara ykdysady hyzmatdaşlygy ösdürilýär

Ýaňy ýakynda paýtagtymyzda geçirilen “Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny” atly halkara maslahat Türkmenistanyň hemişelik Bitaraplygynyň 30 ýyllygyna bagyşlandy. Maslahata türkmen halkynyň Milli Lideri Gurbanguly Berdimuhamedow, döwlet ýolbaşçylary, halkara guramalaryň we iri kompaniýalaryň wekilleri gatnaşdy.

 

Forumda Türkmenistanyň parahatçylyk söýüjilik we hoşniýetli goňşuçylyk syýasaty, sebitde durnukly ösüşi üpjün etmek boýunça başlangyçlary ara alnyp maslahatlaşyldy. Maslahatyň esasy mowzuklary sebitleýin ykdysady hyzmatdaşlyk, energetika, ulag we üpjünçilik taslamalary boldy. Türkmenistan—Owganystan—Pakistan—Hindistan (TOPH) gaz geçirijisi, Türkmenistan—Owganystan—Pakistan elektrik geçirijisi ýaly iri taslamalaryň geoykdysady ähmiýeti nygtaldy.

 

Maslahatyň çäklerinde gatnaşyjylar ikitaraplaýyn we köptaraplaýyn duşuşyklary geçirip, geljekki hyzmatdaşlyk mümkinçiliklerini ara alyp maslahatlaşdylar. Şol sanda, Türkmenistanyň Bitaraplyk ýörelgeleriniň halkara derejesinde durnukly ösüşe goşýan goşandy barada pikir alşyldy we geljek üçin täze başlangyçlaryň esasy ugurlary kesgitlenildi.

 

Türkmenistan sebitleýin we halkara hyzmatdaşlygy pugtalandyrmak maksady bilen, energetika, ulag we kommunikasiýa ulgamynda hyzmatdaşlyga uly ähmiýet berýär. Maslahat bu ugurlarda hyzmatdaşlygy ösdürmek, maýa goýum mümkinçiliklerini artdyrmak we sebitde durnukly ösüşi üpjün etmek üçin möhüm platforma boldy.

 

Maral Jumamyradowa,

Seýitnazar Seýdi adyndaky türkmen
döwlet mugallymçylyk institutynyň
Pedagogika fakultetiniň ll yyl talyby.