Düýn Sarahs etrabynyň 13-nji orta mekdebinde “Üstünlige ýetmegiň ädimleri” atly wagyz-nesihat çäresi geçirildi. Bu maslahata mekdep okuwçylary, mugallymlar hem-de Türkmenistanyň Magtymguly adyndaky Ýaşlar guramasynyň Sarahs etrap Geňeşiniň wekilleri gatnaşdylar.

Bu maslahatda Magtymguly adyndaky Ýaşlar guramasynyň Merkezi Geňeşiniň işjeň agzasy Kakageldi Akmyradow hem-de Magtymguly adyndaky Ýaşlar guramasynyň Sarahs etrap geňeşiniň başlygy Döwran Nowruzow geljekde hünär saýlamak temasy boýunça çykyş etdiler. Mundan başga-da maslahatyň dowamynda ýaşlara Türkmenistanyň Magtymguly adyndaky Ýaşlar guramasynyň Merkezi Geňeşiniň maglumat beriş bölüminiň alyp barýan işleri bilen tanyşdyryldy.

Maslahat Türkmenistanyň Magtymguly adyndaky Ýaşlar guramasynyň Merkezi Geňeşiniň maglumat beriş bölümi, Türkmenistanyň Magtymguly adyndaky Ýaşlar guramasynyň Ahal welaýat Sarahs etrap Geňeşiniň guramagynda geçirildi.

Kakageldi AKMYRADOW,
Türkmenistanyň Daşary işler ministrliginiň
Halkara gatnaşyklary institutynyň talyby,
TMÝG-niň işjeň agzasy.