Ahal welaýaty
logo

Soňky täzelikler:
✦ “Azerbaýjan – Türkmenistan – Özbegistan” formatynda üçtaraplaýyn duşuşyk geçirildi ✦ ✦ “Kids EXPO: ähli zat çagalar üçin” atly halkara sergi-ýarmarkasy öz işine başlady ✦ ✦ Ýaşlar Forumy – geljege barýan ýol! ✦ ✦ 12-nji awgust - Hazar deňziniň güni! ✦ ✦ Hereketleriň maksatnamalaryny milli syýasatlara ornaşdyrmagyň strategiýalary işlenilýär ✦ ✦ Durnukly ösüş maksatlarynyň 16-njy maksadyny durmuşa geçirmäge ýardam bermek boýunça ugurdaş çäreler geçirildi ✦ ✦ Awaza 2025: Parlament forumy ✦ ✦ Awaza 2025: Hususy pudagyň forumy ✦ ✦ LLDC ýurtlar boýunça BMG-niň 3-nji maslahaty dünýä metbugatynda ✦ ✦ Awazada medeniýet we sungat ussatlarynyň dabaraly konserti geçirildi ✦
Baş sahypa / Oba hojalygy /Sarahs etraby 48 müň 100 tonna bugdaý hasylyny almagy maksat edinýär
  28.05.2025
303
Sarahs etraby 48 müň 100 tonna bugdaý hasylyny almagy maksat edinýär

Hormatly Prezidentimiziň oba hojalyk ulgamynda öňde goýan wezipelerinden ugur alyp, ýurdumyzyň çäginde möwsümleýin oba hojalyk işleri ýokary guramaçylyk derejesinde alnyp barylýar. Munuň aýdyň mysaly hökmünde Ahal welaýatynyň Sarahs etrabynyň gallaçy kärendeçileriniň 2025-nji ýylyň bugdaý oragyna görýän taýýarlyklaryny görkezmek bolar.


Döwlet habarlar gullugynyň berýän maglumatlaryna görä, şanly ýylda Sarahs etrabynyň daýhanlary 22 müň 900 gektar meýdanda ekilen guşgursak ak bugdaýdan 48 müň 100 tonna hasyl almagy maksat edinýärler. Ýetişdirilen bugdaý hasylynyň döwlete bellenilen möçberde we öz wagtynda tabşyrylmagy ugrunda häzirki wagtda oraga taýýarlyk işleri gyzgalaňly dowam edýär.


Bu ugurda, etrapda däne oragyny ýokary öndürijilik bilen geçirmek üçin 55 sany kombaýn taýýarlanyldy. Şeýle hem, ýygnalan bugdaý hasylyny galla kabul ediş ammarlaryna bökdençsiz daşamak üçin dürli görnüşli 275 sany awtoulag bilen üpjünçilik işleri doly derejede ýola goýuldy. Orag möwsüminiň guramaçylykly geçirilmegi üçin hyzmat ediş toparlarynyň işi hem talabalaýyk utgaşdyrylýar.


Şeýle giň gerimli oba hojalyk işleriniň üstünlikli ýerine ýetirilmegi maksady bilen, galla oragyna gatnaşjak mehanizatorlaryň, awtoulag sürüjileriniň we tehniki hyzmat işgärleriniň arasynda ýörite okuw maslahatlary geçirilýär. Bu maslahatlarda tehniki howpsuzlygyň berk berjaý edilmegi, ýangyn howpunyň öňüni almak boýunça degişli görkezmeler berilýär we işgärleriň möwsümde sazlaşykly iş alyp barmagy üçin ähli mümkinçilikler döredilýär.


Sarahs etrabynyň gallaçylarynyň güýzde eken tohumlarynyň şu günki gün bol hasyla öwrülmegi, ýurdumyzda azyk howpsuzlygynyň üpjün edilmegine hem-de oba hojalyk ulgamynyň durnukly ösüşine mynasyp goşantdyr.


Sähet Halmyradow,
S.A.Nyýazow adyndaky Türkmen oba
hojalyk uniwersitetiniň talyby.