Türkmenistanyň Halk Maslahatynyň Başlygy, türkmen halkynyň Milli Lideri Gurbanguly Berdimuhamedow bilen Özbegistanyň Prezidenti Şawkat Mirziýoýew "Silk Road Samarkand" halkara syýahatçylyk merkezindäki "Baky şäher" taryhy-etnografiýa seýilgähinde geçirilen medeni çärelerde gatnaşdylar. Bu barada Türkmenistanyň Prezidentiniň metbugat gullugy maglumat berýär.

Çäräniň çäginde Gurbanguly Berdimuhamedow bilen Şawkat Mirziýoýew Özbegistanyň medeni mirasyna bagyşlanan sergini synladylar, halk senetçiliginiň we amaly-haşam sungatynyň nusgalary bilen tanyşdylar. Horeografiýa toparlarynyň çykyşlary bolsa çärede baýramçylyk ruhuny döretdi.

Saparyň dowamynda Türkmenistanyň Halk Maslahatynyň Başlygy we Özbegistanyň Prezidenti "Hazrati Hizr" ýadygärlik toplumyna baryp, Özbegistanyň ilkinji Prezidentiniň hormatyna hatyralama dabarasyna gatnaşdylar.

Şeýle hem, 21-23-nji aprel aralygynda türkmen halkynyň Milli Lideri Gurbanguly Berdimuhamedow Gazagystana we Gyrgyzystana resmi saparlarda boldy.

Begençgeldi GUWANJOW,

Türkmenistanyň Daşary işler ministrliginiň
Halkara gatnaşyklary institutynyň talyby.