Türkmeniň başyny bir supra jemläp,

Akmagy terbiýeläp, keseli emläp,

Geçmişi geljegi öňünden aňlap,

Dogany gardaşy yzlan şahyrym.

Şygryýet ummanyn ýüzüp geçensiň,

Öz gamyň özüňe ezip içensiň,

Geljegi, geçmişi düzüp geçensiň,

Pähim-parasatly dana şahyrym.

Şahyra ussat sen, şaga mekdep sen,

Namardy ýazgaryp, gerçek goldar sen, 

Meýdanda daýhan sen, bagda bagban sen,

Il-güne hemaýat bolan şahyrym.

Şygryýet meýdanyň oragyn oran,

Meňliniň gollaryn arzuwlap ýören,

Zelili şahyra howandar bolan,

Yşkyň derýasynda ýüzen şahyrym.

Kalbyňda arzuwdyr hyýal beslänsiň,

Berkarar döwleti mydam yzlansyň,

Agzybir türkmeniň ýurdyn islänsiň,

Paýhasyň ummany bolan şahyrym.

Täzegül HOJAÝEWA,
Türkmen oba hojalyk institutynyň talyby.