Häzirki zaman tehnologiýalarynyň çalt depginler bilen ösmegi netijesinde, emeli aň diňe bir hasaplama gurallarynda däl, eýsem gündelik durmuşymyzyň aýrylmaz bölegine öwrülýän janly kömekçilerde hem öz beýanyny tapýar. Hytaýyň öňdebaryjy tehnologiýa taslamalarynyň biri tarapyndan tanyşdyrylan "Prime" şahsy robotlary, adamyň we maşynyň arasyndaky gatnaşyklary düýbünden täze derejä göterýär.

Adaty senagat robotlaryndan tapawutlylykda, "Prime" seriýasynyň robotlary eýesi bilen uzak möhletleýin emosional gatnaşygy gurmaga esaslanandyr. Bu enjamlaryň esasy aýratynlygy olaryň uýgunlaşýan okuw ulgamyna eýe bolmagydyr. Emeli aň ulanyş döwründe yzygiderli kämilleşip, robot bilen aragatnaşygy diňe bir tehniki amal däl, eýsem janly we interaktiw söhbetdeşlige öwürýär. Bu bolsa geljegiň robotlarynyň diňe bir buýruklary ýerine ýetiriji däl, eýsem akylly hemra boljakdygyndan habar berýär.

Tanyşdyrylan modelleriň arasynda Prime Q1 modeli özüniň üýtgeşik gurluşy bilen aýratyn tapawutlanýar. Ol doly güýç dolandyryşy bolan dünýädäki iň kiçi humanoid (adama meňzeş robot) hasaplanýar.

Tehnologiýa dünýäsindäki bu täsin täzelikler we "Prime" robotlarynyň tanyşdyrylmagy, adamyň gündelik durmuşynyň ýeňilleşdirilmeginde we sanly gurşawyň giňeldilmeginde täze bir innowasion ädimdir. Bu enjamlar geljekde emeli aňyň diňe bir programmalar görnüşinde däl, eýsem fiziki we duýgy taýdan uýgunlaşan ynamdar kömekçiler görnüşinde durmuşymyza girjekdigini subut edýär.

Annamuhammet SEÝITNYÝAZOW,
Türkmenistanyň senagatçylar we
telekeçiler uniwersitetiniň talyby.