Ýakynda, Türkmenistanyň Kärdeşler arkalaşyklarynyň Tejen etrap birleşmesiniň hem-de Türkmenistanyň Magtymguly adyndaky Ýaşlar guramasynyň Tejen etrap Geňeşiniň bilelikde guramagynda Tejen etrabynyň 6-njy çagalar bagynyň terbiýeçileriniň arasynda “Sagdyn nesil – Watanyň geljegi” atly wagyz-nesihat duşuşygy geçirildi.

Duşuşykda çykyş edenler ýurdumyzda sagdyn durmuş ýörelgeleriniň barha rowaçlanýandygyny, beden we ruhy taýdan sagdyn jemgyýeti kemala getirmek ugrunda alyp barýan asylly işleriň üstünliklere beslenýändigi dogrusynda buýsançly belläp geçdiler.