"Sagdyn bedende – sagdyn ruh" diýen gadymy pähim häzirki wagtda hem uly ähmiýete eýedir. Bu pähim adam bedeniniň saglygy bilen ruhy ýagdaýynyň aýrylmaz arabaglanşygyny görkezýär. Adam diňe bedenen sagdyn bolanda däl, eýsem ruhy taýdan hem durnukly we bagtly ýaşap bilýär. Beden saglygy adamyň güýçli, işjeň we döredijilikli ýaşamagy üçin möhüm şertleriň biridir. Bedenimizi sagdyn saklamak üçin dogry iýmitlenmek, yzygiderli bedenterbiýe bilen meşgullanmak, ýaramaz endiklerden daşda durmak we kadaly dynç almak zerurdyr.

Şeýle hem beden saglygyny goramak bilen birlikde, ruhy durnuklylygy hem üpjün etmek möhümdir. Ruhy taýdan sagdyn adam durmuşda kynçylyklara garşy durup bilýär, ýagty pikirli we sabyrly bolýar. Ruhy saglygyň bozulmagy, ýagny stres, depressiýa ýaly ýagdaýlar adamyň bedenine hem ýaramaz täsir edýär. Şonuň üçin adam öz saglygyny goramakda diňe bir bedeni däl, eýsem ruhuny hem goramaga borçludyr.

Sagdyn durmuş ýörelgeleri diňe bir şahsy durmuş üçin däl, eýsem jemgyýetiň ösüşi üçin hem möhüm bolup durýar. Sagdyn adamlardan ybarat jemgyýet güýçli, döredijilikli we öňe barýan bolýar. Ýurdumyzda alnyp barylýan sagdyn durmuş syýasaty hem halkymyzyň saglygyny pugtalandyrmaga, ýaş nesliň beden we ruh taýdan sagdyn ösmegine gönükdirilendir.

Sagdyn beden we sagdyn ruh biri-biri bilen berk baglanyşyklydyr. Adam ruhy taýdan sagdyn bolmak üçin bedenini goramaly, bedeni sagdyn bolmak üçin bolsa ruhuny durnukly saklamalydyr. Şonuň üçin hem sagdyn durmuş ýörelgesini gündelik durmuşymyza ornaşdyrmak örän wajypdyr.

Ogulgeldi ANNAÝEWA,

Myrat Garryýew adyndaky
Türkmenistanyň Döwlet lukmançylyk uniwersitetiniň
Patologik fiziologiýa kafedrasynyň
uly mugallymy.