Angliýanyň premýer-ligasynyň «Manchester United» topary bilen öz ýoluny aýyran we Saud Arabystanynyň «Al Nassr» toparyna geçen Kristiano Ronaldo 2013-nji ýylda gazanan «Ballon d'Or» baýragyny satdy.

Portugaliýaly ýyldyz «Altyn top» baýragyny Ysraýylyň iň baý adamlaryndan Idan Ofer-e takmynan 600 müň funt sterlinge satdy.

Ronaldonyň «Ballon d'Or» baýragy bäsleşikli söwda bilen satyldy. Ronaldo söwdadan gelen pul serişdesini hemaýatkärlige mätäç haýyr-sahawat fonduna goýberjekdigini mälim etdi.