Ahal welaýaty
logo

Soňky täzelikler:
✦ LLDC3 программа способствует получению необходимой информации ✦ ✦ LLDC3 programmasy zerur maglumatlara ýardam berer ✦ ✦ "Dalaşgär-2025" interaktiw platforma işe girizildi ✦ ✦ Zenan mugallymlaryň we talyplaryň döredijilik sergisi geçirildi ✦ ✦ Dalaşgärler üçin açyk we sanly maglumat portaly işe girizildi ✦ ✦ Ýokary okuw jaýlaryna girmekde täze sanly mümkinçilik ✦ ✦ Türkiýäniň eksport harytlarynyň sergisi geçiriler ✦ ✦ LLDC3: Sebitiň milli däpleri we sungaty “Awaza”da birleşýär ✦ ✦ Türkmen-ýapon bilelikdäki işewürlik forumy geçiriler ✦ ✦ 570 million adamlyk bazar: LLDC3 forumy hususy pudagy bileleşdirýär ✦
Baş sahypa / Dünýäde /OPEC: «Global nebit önümçiligi oktýabr aýynda ýokarlandy»
  16.11.2022
887
OPEC: «Global nebit önümçiligi oktýabr aýynda ýokarlandy»

Nebiti eksport edýän ýurtlaryň guramasy bolan «OPEC» geçen aýlardaky nebit bazary boýunça beren hasabatyna görä, toparyň gündelik çig nebit önümçiligi öňki aý bilen deňeşdirilende 210 müň barrel azaldy we 29 million 490 müň barrele deň boldy.

Şol döwürde «OPEC»-iň çig nebit önümçiligi Nigeriýada we Yrakda iň köp ýokarlandy. Saud Arabystany we Angola ýaly döwletlerde bolsa çig nebit önümçiligi diýseň azaldy. Hasabata görä, şol aý Nigeriýada gündelik önümçilik 33 müň barrele, Yrakda 20 müň barrele, Saud Arabystanynda 149 müň barrele we Angolada 78 müň barrele çenli ýetdi.

Şol döwürde «OPEC»-e agza däl ýurtlarda gündelik nebit önümçiligi 900 müň barrele çenli ýokarlanyp, takmynan 72 million barrele ýetdi. Şu nukdaýnazardan, global nebit üpjünçiligi oktýabr aýynda 101 million 480 müň barrele ýetdi we geçen aý bilen deňeşdirilende günde takmynan 700 müň barrele çenli ýokarlandy. Bu görkeziji geçen ýylkydan 4 million barrele çenli ýokarydyr.

Meýilnama görä, sebit boýunça islegiň 1 million 280 müň barrele çenli artyp, 46 million 120 müň barrel bolmagyna garaşylýar. «OPEC» - global nebit islegi günde 2 million 240 müň barrele çenli artar we geljek ýyl takmynan 101 million 820 müň barrele ýeter diýip çaklaýar. 

 

Gülşirin ESENOWA,

Ýagşygeldi Kakaýew adyndaky
Halkara nebit we gaz uniwersitetiniň
Ykdysadyýet we dolandyryş
fakultetiniň talyby.