Gahryman Arkadagymyzyň tagallasy bilen türkmen halky, öz mukaddes däp-dessurlaryny we gadymy baýramlaryny gorap saklamak bilen, olary has-da baýlaşdyryp we aýratyn çäreler bilen belleýär. Şolardan biri-de, dünýäde uly orna eýe bolan Milli bahar baýramy, Halkara Nowruz günüdir.

Nowruz baýramynyň dünýä medeniýetindäki ähmiýetini giňeltmek maksady bilen, 2009-njy ýylyň 30-njy sentýabrynda 24 döwletiň goldamagynda, ÝUNESKO tarapyndan Adamzadyň maddy däl medeni mirasynyň sanawyna girizildi. Şeýle hem, 2010-njy ýylyň fewral aýynda, Türkmenistanyň, Türkiýäniň, Azerbaýjanyň, Gazagystanyň, Gyrgyzystanyň, Özbegistanyň, Owganystanyň, Täjigistanyň we Eýranyň teklibi boýunça Birleşen Milletler Guramasynyň Baş Assambleýasynyň 64-nji mejlisinde her ýylyň 21-nji marty Halkara Nowruz güni diýip yglan edilip, ýörite Rezolýusiýa kabul edildi.

Nowruz baýramynyň taryhy, XI-XV asyrlarda ýaşaýan gündogar akyldarlarynyň eserlerinde, şol sanda türkmen edebiýatynyň görnükli wekilleriniň goşgularynda we halk döredijiliginde öz beýanyny tapypdyr. Beýik akyldar Magtymguly Pyragy hem bu baýramy öz döredijiliginde wasp edip geçipdir. Nowruz, täze ýyl baýramy bolmak bilen, gadymy döwürlerden bäri bellenýär.

Arzuwlaryň hasyl bolýan ýurdunda, “Halkara parahatçylyk we ynanyşmak" ýylynda bellenilýän Milli bahar baýramy – Halkara Nowruz güni gutly bolsun!

Owadan ARMEDOWA,

Myrat Garryýew adyndaky
Türkmenistanyň Döwlet lukmançylyk
uniwersitetiniň çaga stomatologiýa
kafedrasynyň assistenti.