Her  milletiň bakylygy onuň milli gymmatlyklaryna goýýan sarpasyna, hormatyna baglydyr. Çünki halk, millet hut şolar bilen özünoň aňyrsyny, aslyny dabaralandyrýar, şu günümize many çaýýar, geljeginiň ygtybarly binýadyny gurýar

Gahryman Arkadagymyzyň “Türkmen medeniýeti” atly kitabynda “Sözüň hakyky manysynda, asyrlaryň dowamynda türkmen toý-baýramlarynyň özboluşly dessurlary we olary berjaý etmegiň tertip –kadalary  kemala gelipdir. Şolaryň biri taryhda öçmejek yz galdyran oguz han-begleriniň we seljuk soltanlarynyň döwründen bäri rowaçlanyp gelýän tebigatyň goýnundaky ajaýyp ýaýlarda toý tutmak däbidir” diýip belleýşi ýaly, asyrlaryň jümmüşinden gözbaş alyp gaýdýan asylly däp-dessurlaryň aglabasy tebigat bilen baglanyşykly. Ykballarymyza siňen milliligiň özenini düzmekde aýratyn uly ähmiýete eýe bolan baýramçylyklaryň biri-de Milli bahar baýramy-Nowruz günüdir.

Hormatly Prezidentimiziň parasatly baştutanlygynda Garaşsyz, baky Bitarap Türkmenistanda hem bagtyýarlygyň, egsilmez berekediň, bolçulygyň  nyşany  bolan Milli bahar baýramy uly joşgun bilen bellenýär. Biz hem täzelenişiň alamaty bolan Nowruz baýramynyň hemmeleriň durmuşyna täze bagt getirmegini arzuw edýäris!

Gülçemen PARAHADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.