Kaka etrabynda ýerleşýän telekeçiler mekdebinde Türkmenistanyň Magtymguly adyndaky Ýaşlar guramasynyň guramagynda maşgala mekdebi barada maslahat geçirildi.

Maşgala mekdebi barada geçirilen pedagogika maslahatynda Türkmenistanyň Magtymguly adyndaky Ýaşlar guramasynyň Merkezi Geňeşiniň işjeň agzasy Mekanmyrat Babaýew “Üç görnüş ene-ata” atly tema boýunça çykyş etdi.

Pedagogika maslahatynyň diňleýjileri mekdep okuwçylary we Türkmenistanyň Magtymguly adyndaky Ýaşlar guramasynyň Kaka etrap Geňeşiniň wekilleri boldy.

Maslahatda ýaşlara täsin atlandyrylýan üç görnüşli; dikuçar, seržant, konsultant ene-atalaryň çagalary terbiýeleýşi dogrusynda gyzykly gürrüň edildi. Şeýle hem ýaşlara ene-atany sylamak olara hormat goýmak barada wagyz nesihat edildi.

Täsirli geçen maslahaty Türkmenistanyň Magtymguly adyndaky Ýaşlar guramasynyň Merkezi Geňeşiniň maglumat beriş bölümi, Türkmenistanyň Magtymguly adyndaky Ýaşlar guramasynyň Ahal welaýat Kaka etrap Geňeşiniň hem-de Kaka etrabynyň Telekeçiler mekdebiniň guramagynda geçirdi.