Indoneziýanyň Günbataryndaky «Java» welaýatynda 5,6 derejesinde ýer titremesi boldy. Tebigy betbagtçylyk welaýatda ep-esli maddy zyýana sebäp boldy.

Indoneziýa hökümeti tarapyndan berlen soňky maglumatlara görä, ýer titremesinde pida bolanlaryň sany 268-e ýetdi. Beýleki tarapdan, ýer titremesinde azyndan 151 adamyň dereksiz ýitendigi we 1000-den gowrak adamyň ýaralanandygy mälim edildi.

Ýer titremesinde 22 müňden gowrak jaýyň weýran bolandygyny we 58 müňden gowrak adamyň öýsüz-öwzarsyz galandygy aýdylýar.

Belläp geçsek, Türkmenistanyň Prezidenti Serdar Berdimuhamedow Indoneziýa Respublikasynyň Prezidenti Joko Widodo ýurtda bolup geçen, adam pidalaryna hem-de köp sanly şikes ýetmelerine getiren ýertitremesi zerarly gynanç hatyny iberdi.