Soňky 10 ýylda güýçli ösüşi gazanan we ABŞ-ny yzda galdyran Hytaýyň oýun senagaty peselip başlady.

Hytaý örän girdejili, mobil oýunlary ýasamak bilen meşhurdyr. Soňky ýyllarda birnäçe hytaý kompaniýalary uludan-kiçä söýlüp oýnalýan global oýunlary öndürdiler we olary täzelemegiň üstünde işlediler. Emma geçirilen soňky gözlegler, oýun pudagy bilen meşgullanýan kompaniýalaryň pese gaçyp başlandygyny görkezdi.

Munuň düýp sebäbi bolsa soňky wagtlarda Hytaý hökümetiniň geljek nesli sagdyn edip ýetişdirmäge gönükdirilen çäreleri ýatyr. Birnäçe wagt mundan ozal, hökümet ýaramaz mazmunly oýunlary çäklendirip, kämillik ýaşyna ýetmediklere oýun wagtyny çäklendirdi.