Ahal welaýaty
logo

Soňky täzelikler:
✦ “Azerbaýjan – Türkmenistan – Özbegistan” formatynda üçtaraplaýyn duşuşyk geçirildi ✦ ✦ “Kids EXPO: ähli zat çagalar üçin” atly halkara sergi-ýarmarkasy öz işine başlady ✦ ✦ Ýaşlar Forumy – geljege barýan ýol! ✦ ✦ 12-nji awgust - Hazar deňziniň güni! ✦ ✦ Hereketleriň maksatnamalaryny milli syýasatlara ornaşdyrmagyň strategiýalary işlenilýär ✦ ✦ Durnukly ösüş maksatlarynyň 16-njy maksadyny durmuşa geçirmäge ýardam bermek boýunça ugurdaş çäreler geçirildi ✦ ✦ Awaza 2025: Parlament forumy ✦ ✦ Awaza 2025: Hususy pudagyň forumy ✦ ✦ LLDC ýurtlar boýunça BMG-niň 3-nji maslahaty dünýä metbugatynda ✦ ✦ Awazada medeniýet we sungat ussatlarynyň dabaraly konserti geçirildi ✦
Baş sahypa / Gyzykly /Hytaýyň iň baý adamsynyň ylhamlandyryjy sözleri
  29.12.2022
825
Hytaýyň iň baý adamsynyň ylhamlandyryjy sözleri

Hytaýyň iň baý adamy, telekeçi, «Alibaba Group» kompaniýasyny esaslandyryjy we hytaý materiginiň ilkinji biznesmeni «Jack Ma»-nyň suraty «Forbes» žurnalynyň baş sahypasynda çap edildi. Onuň ylhamlandyryjy sözleri adamlara durmuşda öz ornuny tapmaga, dürli kynçylyklary ýeňip geçmäne ýardam berýär. Ine olardan birnäçesi: 

- Bu gün ýeňil bolmaz, ertir mundan hem beter bolar, emma birigün ähli zat ajaýyp bolar; 

- Dünýädäki iň ynamsyz zat-bu adamlaryň arasyndaky gatnaşykdyr;

- Iň gowy adamlary däl-de, dogry adamlary gözläň;

- Diňe akmaklar agzyny gürlemek üçin ulanýarlar. Akyllylar kelle bilen, paýhaslylar ýüregi bilen gürleýärler;

- Eger-de siziň kararlaryňyz deň-duşlaryňyzyň kararlaryndan tapawutlanýan bolsa,  onda durmuşyňyz hem olardan tapawutlanar;

- Eger siz daş-töweregiňizdäki ähli adamlary duşmanyňyz ýaly kabul etseňiz, olar hakykatdan hem duşmanyňyza öwrüler;

- Haçanda siz bir-biriňiz bilen bäsleşýän bolsaňyz, ýigrenmekden gaça duruň, ýogsa ol sizi ýok eder;

- Bäsdeşlik bu edil küşt oýny ýalydyr, eger ýeňilseňiz, hemişe ýene bir tapgyr oýnap bolar. Uruşmak hökman däl;

- Hakyky telekeçiniň duşmanlary ýokdur. Siz muňa düşünseňiz, sizi hiç kim saklamaz;

- Dünýäni siziň sözleriňiz gyzyklandyrmaýar, hereketleriňiz gyzyklandyrýar. 

 

Sabina AMANOWA,

Döwletmämmet Azady adyndaky 
Türkmen milli dünýä dilleri 
institutynyň talyby.