Berkarar döwletimiziň täze eýýamynyň Galkynyşy döwründe Hormatly Prezidentimiziň taýsyz tagallasy bilen ýurdumyzyň herbir güni toýdur baýramlara beslenýär. Eziz Diýarymyzda geçirilýän baýramlaryň biri hem her ýylyň noýabr aýynyň ikinji ýekşenbesinde bellenilýän baýramçylygymyz, ýagny “Hasyl toýy” uly dabara bilen geçirilýär.

Gözbaşyny ençeme asyrlardan alyp gaýdýan, bu baýramçylykda zähmetsöýer daýhanlarymyz ýylboýy çeken zähmetleriniň rähnetini görýär. Ata-babalarymyz “Çekseň zähmet, ýagar rähnet” diýip azaply zähmetiň hözirini, zähmetiniň miwesini görmeklik ynsan üçin uly bagtdygyny nygtapdyrlar.

Hormatly Prezidentimiz oba hojalyk pudagyna örän uly üns berýär. Bu pudakda alynyp barylýan işler, çekilýän halal zähmetiň netijesinde sahawatly türkmen topragyndan ekinleriň, ir-iýmişleriň bol hasyly ösdürip ýetişdirmek, ýurdumyzda azyk bolçulygyny döretmäge mümkinçilik döretýär.

Şu ýylyň 10 aýynyň jemi boýunça oba hojalyk toplumynda önümçiligiň ösüş depgini, 102,8 göterime deň. Häzirki wagtda ýurdumyzyň ähli welaýatlarynda agrotehniki kadalara laýyklykda, bugdaýyň ekilişine we pagta hasylynyň ýygnalyp almaklyk boýunça zerur çäreler görülýär.

Musa Şamyradow,
Türkmenistanyň telekommunikasiýalar
we informatika institutynyň
I ýyl talyby.