Ahal welaýaty
logo

Soňky täzelikler:
✦ UNIDO-nyň Global senagat sammiti öz işine başlady ✦ ✦ Kabulda Türkmenistanyň hemişelik Bitaraplygynyň 30 ýyllygy dabaraly bellenildi ✦ ✦ Türkmenistanyň Prezidenti Gazagystan Respublikasyna döwlet sapary bilen bardy ✦ ✦ Türkmen-tatar hyzmatdaşlygynyň täze ugurlary ara alnyp maslahatlaşyldy ✦ ✦ Türkmen wekiliýeti Saud Arabystan Patyşalygynda okuw saparynda boldular ✦ ✦ Bitaraplyk – daşary syýasaty alyp barmagyň esasy guraly ✦ ✦ «Balkan» köpugurly söwda merkezinde Eýran Yslam Respublikasynyň sergisi geçirildi ✦ ✦ Türkmenistan bilen Özbegistanyň arasyndaky hyzmatdaşlygyň täze tapgyry ýola goýulýar ✦ ✦ Sanly ykdysadyýet innowasiýalary durmuşa geçirmegiň esasy ugry ✦ ✦ Türkmenistan Bitaraplyk ýörelgelerine eýermek arkaly halkara hyzmatdaşlygyny güýçlendirýär ✦
Baş sahypa / Oba hojalygy /Hasyl toýy - berekediň toýy
  10.11.2023
668
Hasyl toýy - berekediň toýy

Ähli ulgamlaryň sazlaşykly ösdürilýän, çyn yhlasyň mynasyp sarpalanýan eziz ýurdumyzda her bir günümiz zähmet üstünliklerine beslenýär. Bereketli güýz pasly turuwbaşdan baýramlara, şanly senelere ulaşyp gelýär. Şol dabaralaryň biri-de her ýylyň noýabr aýynyň ikinji ýekşenbesinde uludan bellenip geçilýän Hasyl toýydyr. Bu milli baýramçylyk ekerançylaryň hyjuwly zähmetine, sahawatly türkmen topragynda ýetişdirilen bol hasyla bolan ählihalk buýsanjyny alamatlandyrýar. Berkarar döwletiň täze eýýamynyň Galkynyşy döwründe edermen daýhanlarymyzyň ýadawsyz zähmet çekmekleri üçin oňaýly şertler yzygiderli döredilýär. Daýhanlarymyzyň hünär baýramçylygynda obasenagat toplumynyň ösdürilmegine goşant goşan kärendeçilere, mehanizatorlara, alym-agronomlara, seçgiçilere mahlasy bu pudakda alyn derini döküp zähmet çekýän, ene toprak bilen bagry badaşan ökde hünärmenlere hormatly atlar dakylyp, sylaglar gowşurylýar. Gahryman Prezidentimiziň belleýşi ýaly, Hasyl toýy türkmen daýhanlarynyň çekýän halal zähmetine döwlet derejesinde goýulýan belent sarpadan aýdyň nyşandyr.

Häzirki wagtda obasenagat toplumyny işjeňleşdirmek döwlet syýasatynyň ileri tutulýan ugurlarynyň biri bolmak bilen, ýurdumyzda azyk bolçulygy döredilip, milli ykdysadyýetimiziň eksport mümkinçilikleri barha giňeýär. Ýurdumyzda obasenagat toplumyny döwlet tarapyndan goldamagyň bir bitewi ulgamynyň kemala gelendigi örän buýsandyryjydyr.

 

 

Arslan HAÝDAROW,
Türkmenistanyň Döwlet energetika institutynyň 
4-nji ýyl talyby.