Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Birleşen Arap Emirliklerine resmi sapary başlandy.

Resmi saparynyň ilkinji gününde Abu-Dabi şäherinde ýerleşýän, dünýäde iň uly alty metjidiň biri hasaplanýan «Şeýh Zaýed» metjidine baryp, aýat-töwir okady. Bu metjit Birleşen Arap Emirlikleriniň esaslandyryjysy we ilkinji Prezidenti Şeýh Zaýed bin Sultan Al Nahaýýanyň adyny göterýär. Türkmen halkynyň Milli Lideri Gurbanguly Berdimuhamedow hem-de Türkmenistanyň Müftisi bu beýik ynsanyň mawzoleýine - aramgähine baryp, ony hatyraladylar.

«Şeýh Zaýed» metjidinde Gahryman Arkadagymyz hem-de Türkmenistanyň Müftisi, din wekilleri doga-dileg etdiler. Şeýle ýagşy ýörelgelerimiziň häzirki wagtda dowam etdirilmegi pederlerimiziň döwletli ýoluna goýulýan uly hormatyň nyşanydyr.