Ahal welaýat häkimliginiň Gökdere jülgesindäki «Bagtyýar nesiller» çagalar dynç alyş-sagaldyş merkezinde bäsleşikli duşuşyk geçirildi.

Bu bäsleşikli duşuşyk Türkmenistanyň Gyzyl Ýarymaý Milli jemgyýetiniň Ahal welaýat bölümi tarapyndan guraldy. Oňa «Bagtyýar nesiller» çagalar dynç alyş-sagaldyş merkezinde dynç alýan çagalaryň uly topary gatnaşdy.

Duşuşygyň barşynda Türkmenistanyň Gyzyl Ýarymaý Milli jemgyýetiniň welaýat bölüminiň hünärmenleri Döwletgeldi Güjäýew, Arslan Aşyrow, Serdarmyrat Hanýalyýew dagynyň çykyşlary diňlendi. Olar Türkmenistanyň Gyzyl Ýarymaý Milli jemgyýetiniň ynsanperwerlik, meýletinlik ýaly ýörelgeleri, meýletinçileriň arasynda guralýan çäreleriň aýratynlyklary barada gürrüň berdiler. Adatdan daşary ýagdaýlarda ilkinji kömegi bermegiň düzgünleri dogrusynda aýdylanlar aýratyn uly täsirleri döretdi.