Gender deňligi – bu erkekleriň we aýallaryň durmuşda deň hukuklara, mümkinçiliklere we jogapkärçilige eýe bolmagydyr. Türkmenistanda bu ugurda birnäçe möhüm çäreler durmuşa geçirilýär. Aýal-erkek deňligi diňe bir hukuk taýdan däl, eýsem bilim, saglyk, iş we syýasy taýdan hem üpjün edilýär. Türkmenistanyň Konstitusiýasy erkekler we aýallar üçin deň hukuklary kepillendirýär. Ýurduň kanunlary we döwlet maksatnamalary gender deňligini ilerletmäge gönükdirilendir. Türkmenistan BMG-niň birnäçe halkara konwensiýalaryna goşulyp, bu ugurda borçnamalary ýerine ýetirýär.

Aýallar bilim, saglygy goraýyş, medeniýet, döwlet dolandyryşy ýaly ugurlarda işjeň işleýärler. Döwlet derejesinde ýokary wezipelere bellenen zenanlaryň sany hem ýylsaýyn artýar. Türkmenistanda gender deňligini ilerletmek maksady bilen ýörite milli maksatnamalar kabul edilýär. 2015–2020-nji ýyllar üçin hereketleriň Milli meýilnamasy bu ugurda möhüm ädim boldy.

Aýallaryň işewürlik we telekeçilikde hem orny barha ýokarlanýar. Telekeçi zenanlaryň artmagy işsizlik we garyplyk bilen göreşmekde möhüm ähmiýete eýe. Maşgala jemgyýetiň esasydyr. Türkmen zenanlary däp-dessurlary saklap, täze nesli terbiýelemekde möhüm rol oýnaýarlar. Zenanlaryň döredijilik we ahlak gymmatlyklary jemgyýetiň ruhy baýlygynyň özenidir.

Türkmenistan gender deňligini üpjün etmekde halkara guramalar, aýratyn-da BMG bilen ysnyşykly hyzmatdaşlygy dowam etdirýär. Bu hyzmatdaşlyk diňe bir aýal-erkek deňligini gazanmakda däl, eýsem jemgyýetiň durnukly ösüşine hyzmat edýär.

Sülgün NEPESOWA,

Türkmenistanyň Daşary işler ministrliginiň
Halkara gatnaşyklary institutynyň mugallymy.