Türkmen halkynyň milli Lideri, Türkmenistanyň at gazanan arhitektory Gahryman Arkadagymyzyň, Arkadagly Gahryman Serdarymyzyň baştutanlygynda ýurdumyzda ylym-bilim, medeniýet-sungat, saglyk we senagatyň dürli ulgamlarynda uly ösüşlere ýetilýär. Bu ösüşlere mysal edip, hormatly Prezidentimiziň hut özüniň gatnaşmagynda geçen ”Arkadag Serdarly bagtyýar ýaşlar” ýylymyzda ýagny, 1-nji sentýabr “Bilimler we talyp ýaşlar” gününde biziň Türkmen döwlet binagärlik-gurluşyk institutymyzyň täze 5000 orunlyk binalar toplumynyň gurluşygyna badalga berilmegi görkezmek bolar bu asylly iş talyp ýaşlar bilen bir hatarda biz mugallymlary hem çäksiz begendirdi. 

Ýaňy ýakynda hem institutymyzyň ýolbaşçylary hem-de birnäçe tejribeli mugallymlarymyzdan düzülen topar täze düýbi tutulan institutymyzyň tejribehanalarynda we okuw otaglarynda ornaşdyryljak iň soňky, ösen döwrüň talaplaryna doly laýyk gelýän innowasion tehnologiýalaryny öndürýän dünýäniň ösen ýurtlarynyň biri bolan Germaniýa Federatiw Respublikasyň birnäçe kärhanalaryna iş saparyny amala aşyrdylar. Mundan başga-da institutymyzda hormatly Prezidentimiziň döredip berýän daşky syýasaty goldamak we daşary ýurt döwletleri bilen özara gatnaşyklary pugtalandyrmakdaky döwlet başlangyçlaryndan ugur alyp daşary ýurtlaryň abraýly ýokary okuw jaýlary bilen okuw sapaklary yzygiderli guralýar. Ýakyn günlerde hem şeýle tejribe iş saparlary ýene-de birnäçe döwletlere amala aşyrylar. 

Bize şu döredilip berilýän mümkinçiliklerden ýerlikli peýdalanyp ýaş nesle ylym-bilim bermekde halypa bolup duran Gahryman Arkadagymyza we Arkadagly Gahryman Serdarymyza tüýs ýürekden sagbolsunymyzy aýdýarys. Goý Gahryman Arkadagymyzyň Arkadagly Gahryman Serdarymyzyň janlary sag bolsun, il-ýurt bähbitli bütin dünýä ähmiýetli işleri rowaçlyklara beslensin! 

Hojadurdy HOJADURDYÝEW,  
Türkmen döwlet binagärlik-gurluşyk  
institutynyň mugallymy.