Çarşenbe güni Magtymguly adyndaky Türkmen döwlet uniwersitetinde sanly ulgam bilen baglanşykly okuw-usuly maslahaty geçirildi.

Maslahat Magtymguly adyndaky Türkmen döwlet uniwersitetiniň we Aman Kekilow adyndaky Mugallymçylyk mekdebiniň mugallymlarynyň we talyplarynyň arasynda “Türkmenistanda sanly bilim ulgamyny ösdürmegiň Konsepsiýasyndan”, “Türkmenistanyň kiberhowpsuzlygyny üpjün etmegiň 2022-2025-nji ýyllar üçin Döwlet maksatnamasyndan” ugur alyp, sanly bilim ulgamyny ösdürmek maksady bilen geçirildi.

Okuw-usuly maslahatda Magtymguly adyndaky Türkmen döwlet uniwersitetiň tejribeli mugallymlary we talyplary aşakdaky temalar boýunça çykyş etdiler:

• Sanly bilim portalyndan peýdalanyp okatmagyň hilini ýokarlandyrmak;
• Distansion okuwy okatmagyň usulyýeti;
• Sanly maglumat giňişliginde we internetde howpsuzlyk;
• Ulanyjylary “kiberhowpsuzlyk” we “kibermedeniýet” adalgalary bilen tanyşdyrmak;
• Türkmenistanda sanly ulgamyň mümkinçilikleri;

Çykyşlaryň dowamynda Magtymguly adyndaky Türkmen döwlet uniwersitetiniň 5-nji ýyl talyby Arslan Bäşimow öziniň ylmy işi ýagny, tebigy we taryhy ýadygärliklerimizi fotogrammetriýanyň esasynda VR – AR görnüşde öwrenmek boýunça çykyş etdi. Onda Nusaý galalar toplumyna, Seýit Jemaleddin metjidine we Magtymguly adyndaky Türkmen döwlet uniwersitetiniň geografiýa fakultetinde ýerleşýän geologiýa muzeýine VR – AR görnüşde syýahat edildi.
 

Yhlas BEKJANOW,
Magtymguly adyndaky Türkmen
döwlet uniwersitetiniň II ýyl talyby,
TMÝG-niň işjeň agzasy.