Hormatly Prezidentimiz Serdar Berdimuhamedowyň ýolbaşçylygynda Garaşsyz, hemişelik Bitarap Türkmenistan günü-günden ösüşlere, şanly wakalara beslenýär. Konstitusiýanyň düzgünleri hem-de kanunlar arkaly adam hukuklary ygtybarly goralýan ýurdumyzda demokratiýanyň, hukuk döwletiniň we dünýewiligiň esaslary pugtalandyrylýar, häzirki tapgyrda giň gerimli özgertmeler amala aşyrylýar.

34 ýyl mundan ozal türkmen halkynyň gadymdan bäri arzuwlan erk-islegi hasyl bolup, «Türkmenistanyň Garaşsyzlygy we döwlet gurluşynyň esaslary hakynda» Konstitusion kanun kabul edildi we ýurdumyz garaşsyz döwlet hökmünde yglan edildi. Şondan bäri ýurdumyz ýylsaýyn ösüşlere beslenýär, durmuş-ykdysady maksatnamalar üstünlikli ýerine ýetirilýär, döwlet dolandyryşy kämilleşdirilýär. Demokratik, hukuk we dünýewi esaslary pugtalandyrmak boýunça yzygiderli işler alnyp barylýar. Gahryman Arkadagymyzyň başlangyçlary esasynda geçirilen konstitusion özgertmeler adamyň hukuklaryny, azatlyklaryny goramaga we halky döwlet işlerine işjeň çekmäge uly mümkinçilik döretdi. Garaşsyzlygyň 34 ýyllygy halkymyz üçin aýratyn ähmiýetlidir.

Gahryman Arkadagymyz ýurdumyzyň içeri we daşary syýasatyny halkyň erk-islegine laýyklykda gurap bildi. Onuň başlatan giň gerimli özgertmeleri dünýäde giňden ykrar edildi we onuň pähim-paýhasyny, öňdengörüjiligini görkezdi. Türkmenistanyň senagat taýdan ösmegi, tebigy baýlyklary daşary bazarlara çykarmak, halkara ulag geçelgelerini döretmek, kosmosa çykmak ýaly ägirt uly taslamalaryň amala aşyrylmagy, obalaryň we şäherleriň tanalmaz derejede özgermegi, paýtagtymyzyň dünýäniň iň owadan şäherleriniň birine öwrülmegi, Arkadag şäheriniň gurlup ulanylmaga berilmegi, halkymyzyň ýaşaýyş-durmuş derejesiniň yzygiderli ýokarlanmagy — bularyň hemmesi Gahryman Arkadagymyzyň halk bähbitli aladalarynyň netijesidir. Häzirki döwürde hormatly Prezidentimiz bu başlangyçlary üstünlikli dowam etdirýär.

Oguljan Akmyradowa,

Türkmenistanyň Döwlet energetika institutynyň mugallymy.