Berkarar döwletiň täze eýýamynyň Galkynyşy döwri türkmeniň belent ykbally geljegi bolup, ýaşaýyş derejesiniň şirin owazyna öwrülip, dünýäniň her künjegine ýaň salýar. Garaşsyz Türkmenistanyň ösüşi we bagtyýar halkynyň gazanan üstünlikleri dünýä jemgyýetçiliginde giňden tanalýar. Watanymyzyň abraýy, milli medeniýetimiz we sungatymyz halkara derejesinde giňden ykrar edilýär. Munuň özeninde bolsa ýurdumyzy täze sepgitlere alyp barýan Arkadagly Gahryman Serdarymyzyň halkara derejesindäki mertebesiniň barha ýokary galmagy durýar.

Garaşsyzlyk taryhy, gahrymançylyga beslenen, gaýduwsyz we merdana türkmen halkynyň asyrlar boýy ýüreklerinde saklanýan arzuw-umytlarynyň we islegleriniň amala aşandygydyr. Bu, halkyň milli ruhunyň täzeden baýlaşmagydyr. Şu sebäpli, türkmen halkyny berkarar döwletlilige, asylly döwranyň gelmegine, özbaşdaklygyň ykbalyny çözmäge ýetiren Garaşsyzlygyň şanly senesi halkymyzyň taryhyna altyn harplar bilen ýazylýar. Şol senäniň Türkmenistan döwletiniň bagtyýar geljegine täzeden şugla saçmagy tebigy we kanunalaýyk bir ýagdaýdyr.

Goý, halkyny bagtly geljege alyp barýan türkmen halkynyň Milli Lideri Gahryman Arkadagymyzyň hem-de Arkadagly Gahryman Serdarymyzyň janlary sag, ömürleri uzak bolsun!

Ogulgözel GARAJAÝEWA,

Balkan welaýatynyň Türkmenbaşy şäherindäki
daşary ýurt dillerini çuňlaşdyryp öwredýän ýöriteleşdirilen
13-nji orta mekdebiniň iňlis dili mugallymy.