Berkarar döwletiň täze eýýamynyň Galkynyşy döwründe Hormatly Prezidentimiziň parasatly baştutanlygynda agzybir halkymyz abadan durmuşda ýaşaýar, belent maksatlar, nesiller aşyp gelen ynsanperwer ýörelgeler, bedew batly okgunly ösüşler bilen döwrümizi ösüşlere beslemekde halal zähmet çekýär. Tutuş adamzat nesliniň bagtyýar durmuşynyň bähbidine beýik tagallalary bagyş edýän hormatly Prezidentimiz ýurdumyzyň ähli ulgamlaryny netijeli ösdürmäge, olaryň işini kämilleşdirmäge uly üns berýär. Munuň özi Berkarar döwletimiziň täze eýýamynyň Galkynyşy döwrüniň taryhy özgerişlerini başdan geçirýän merdana watandaşlarymyzyň köňül şatlygyny goşalandyrýar.

Garaşsyzlyk ýyllarynda ýetilen belent sepgitler biziň şu günki durmuşymyza uly mümkinçilikleri eçilýär. Müňýyllyklara uzaýan taryhy bolan halkymyzyň baý medeni mirasyny, milli ýörelgelerini dünýä ýaýmakda abraýly halkara guramalary bilen netijeli işler alnyp baryldy. Mukaddes Garaşsyzlygymyz döwlet syýasatymyzyň yranmaz sütünidir. Çünki mukaddes Garaşsyzlygymyz kalplara buýsanç, ýollarymyza nur çaýýar. Ýagty geljegimiz bolan sagdyn bedenli hem-de sagdyn ruhly nesillerimizi belent ruhly watançylar edip terbiýelemäge gönükdirilen işler nusga alarlykdyr.

Garaşsyzlygymyzyň bize eçilen miweleriniň netijesinde bagtyýar halkymyz eşretiň gujagynda ýaşaýar, ýurdumyz dünýä halklarynyň gyzgyn goldawyna eýe bolýar. Arkadagly Serdarymyzyň pähim-parasatly, ynsanperwer, parahatsöýüjilik syýasaty netijesinde döwletimiziň halkara abraýy barha ýokarlanýar. Okgunly durmuşa geçirilýän maksatnamalar, nurana geljegimize gönükdirilen sagdyn durmuş ýörelgeler, ýeňişli menziller halkymyz tarapyndan tüýs ýürekden goldanylýar. Milli Liderimiz Gahryman Arkadagymyzyň parasatly başlangyjy bilen başy başlanan döwletli tutumlar Hormatly Prezidentimiz tarapyndan mynasyp derejede dowam etdirilýär. Bu bolsa merdana watandaşlarymyzy täze-täze zähmet üstünliklerine ruhlandyryp, ata-babalarymyzyň dürdäne ýol-ýörelgesini, türkmeniň milli göreldesini, milli demokratiýamyzy barha dabaralandyrýar.

Berkarar Watanymyzyň barha artýan ykdysady kuwwatynyň aýdyň beýanyna öwrülýän hem-de halkymyzyň ägirt uly döredijilik güýjüniň bardygyny dabaralandyrýan bu üstünlikler şöhratly geçmişimizi, şu günümizi hem-de beýik geljegimizi özünde jemleýän mukaddes Garaşsyzlygymyzyň milli buýsanjymyza öwrülendigini aýdyň ykrar edýär. Hormatly Prezidentimiziň pähim-paýhasyndan, bagtyýar döwrümizde buýsanyp ýaşaýan agzybir halkymyzyň halal zähmetinden barha rowaçlanýan beýik Garaşsyzlygymyzyň 32 ýyllyk şanly baýramyna eziz watandaşlarymyz ynamly barýar. Çünki mukaddes Garaşsyzlygymyz – ähli gazanýan üstünliklerimiziň, bagtymyzyň gözbaşydyr, bagtyýarlygymyzyň güwäsidir!

Wepamyrat BABEKOW,
Türkmen oba hojalyk institutynyň
Jemgyýeti öwreniş ylymlary
kafedrasynyň mugallymy.