2025-nji ýylyň 6-njy martynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow “Euronews” teleýaýlymyna beren ýörite interwýusynda Türkmenistanyň halkara syýasatynyň esasy ugurlary barada çykyş etdi.

Söhbetdeşlikde Gahryman Arkadagymyz Türkmenistanyň bitaraplyk syýasatyna berk ygrarlydygyny nygtady we ýurduň halkara gatnaşyklaryndaky baş ýörelgelerini beýan etdi. Gahryman Arkadagymyz parahatçylykly diplomatiýanyň, halkara hukugyna hormat goýmagyň we ykdysady hyzmatdaşlygy ösdürmegiň möhümdigini belledi.

Milli Liderimiz Türkmenistan bilen Ýewropa Bileleşiginiň gatnaşyklarynda energiýa we söwda hyzmatdaşlygynyň uly mümkinçilikleriniň bardygyny nygtady.

Bu söhbetdeşlik dünýä bileleşiginiň Türkmenistana bolan ägirt uly gyzyklanmalarynyň, ýurdumyzyň öňe sürýän başlangyçlarynyň möhüm ähmiýete eýediginiň, döwletimiziň halkara abraýynyň barha belende galýandygynyň aýdyň güwäsidir.

Orazbagt ATAÝEWA,

Türkmenistanyň Daşary işler ministrliginiň
Halkara gatnaşyklary institutynyň talyby.