UEFA-nyň 3-nji derejeli klub ýaryşy bolan Ýewropa Konferensiýa Ligasynda "West Ham" topary çempion boldy. Londonly klub finalda “Fiorentina” toparyny 2:1 hasabynda ýeňip, taryhynda ilkinji gezek bu kubogy gazandy.

Bu ýeňiş bilen toparyň çep gyraky goragçysy, braziliýaly italýan futbolçy Emerson Palmieri özüniň futbol karýerasynda täsin bir statistikanyň eýesi boldy. 28 ýaşyndaky futbolçy UEFA-nyň 5 dürli ýaryşynda çempionlyk gazanan ilkinji oýunçy hökmünde taryha girdi. Ol mundan ozal “Çelsi” bilen 2018/19 möwsüminde UEFA Ýewropa Ligasynda, 2020/21 möwsüminde UEFA Çempionlar Ligasynda we UEFA Superkubogynda ýeňiş gazanypdy. Şeýle hem, 2020-nji ýylda Italiýanyň milli ýygyndysy bilen Ýewropa çempionatynda (Euro 2020) çempion boldy.

Emerson Palmieriniň bu üstünlikleri onuň klub we milli derejede ýokary derejeli oýunçydugyny subut edýär. Şeýle hem, ol UEFA-nyň dürli ýaryşlarynda iň uly kuboklary gazanan taryhy futbolçylaryň hataryna goşuldy.