Geçirilen soňky gözleglere görä, bakteriýalaryň ýokuşmagy sebäpli döreýän keseller, dünýäde ýürek bilen baglanyşykly kesellerden soň iň köp ýaýran ikinji ölüm sebäbi bolup durýar. 22-nji noýabrda geçirilen derňewlere görä, «staphylococcus aureus» we «pneumococcus» ýaly bakteriýalar iň ölüm howply bakteriýalaryň hataryndadygy mälim edildi. «The Lancet» neşirinde geçirilen bu derňew, iň köp ýaýran patogenler hökmünde tanalýan bakteriýalaryň 30-a golaý görnüşini gözden geçirdi we olar bilen baglanyşykly ölüm derejesine baha berdi. Bu iş Bill Gates Gaznasy tarapyndan maliýeleşdirildi.

Hasabatyň awtorlary, öwrenilen bakteriýalar bilen baglanyşykly keselleriň, dünýäde ýürek bilen baglanyşykly kesellerden soň iň köp ýaýran ikinji ölüm sebäbi bolup durýandygy baradaky netijä geldiler. Alymlar häzirki wagtda her sekiz ölümden biriniň, bakteriýalar sebäpli bolup geçýändigini belleýärler.