Birleşen Arap Emirlikleriniň Dubaý şäherinde geçiriljek uly söwda ýarmarkasynda dünýädäki iň uly almaz görkeziler. Bu halkara derejesindäki çäre 26-29-njy mart aralygynda geçiriler.

Dünýäniň iň uly almazy bu söwda ýarmarkasynda görkezileninden soň, 11-nji maýda Ženewanyň meşhur auksion öýünde satylar. Bu almazyň agramy 228.31 karat bolup, onuň bahasy 30 million amerikan dollaryna barabardyr.

Almaz mundan öň Taýpeýde, Taýwanda we Nýu-Ýorkda geçirilen halkara sergide sergilenipdi. Äpet almaz täze eýesini Ženewadaky auksionda tapar.

Türkmençä terjime edileninde “gaýa” diýlip atlandyrylýan bu almaz 20 ýyl ozal Günorta Afrikada gazylyp alyndy. Almaz 2017-nji ýylda geçirilen auksionda 33,7 million amerikan dollaryna satylypdy.

Aýlar GUBAJAÝEWA,

Döwletmämmet Azady adyndaky
Türkmen milli dünýä dilleri
institutynyň talyby.