Demirgazyk Koreýanyň paýtagty Phenýanyň häkimiýetleri dem alyş keselleriniň we waka sanynyň köpelmegi sebäpli paýtagty 5 günlük karantin etmeli diýen karara geldiler.

«NK News» habar gullugynyň habaryna görä, ilat şu hepdäniň aýagyna çenli karantin düzgünlerini berjaý etmeli bolarlar. Häkimiýetler ilata öýde galmagy we her gün birnäçe gezek öz temperaturalaryny barlamagy maslahat berdi.

Ýurduň paýtagtyndan beýleki ýerleriň karantine girendigi ýa-da girmändigi barada entek anyk maglumat ýok.

Belläp geçsek, Demirgazyk Koreýada 2022-nji ýylda ilkinji «Covid-19» wakasy hasaba alyndy. Ýurt waka sany barada anyk maglumat bermedi.