Birnäçe wagt mundan ozal Ýere örän güýçli gün tupany geldi. Milli Okean we Atmosfera Dolandyryş Guramasy bu geomagnit tupanynyň käbir emeli hemralaryň işlemegine ýaramaz täsir edip, käbirini bolsa hatardan çykaryp, dünýäniň käbir ýerinde köpçülikleýin elektrik togunyň kesilmegine hem sebäp bolandygyny nygtaýar.

Şol bir wagtyň özünde, Ýewropa kosmos gullugy geljekde şeýle güýçli gün tupanlarynyň emeli hemralaryň ählisini hatardan çykaryp biljekdigini mälim edýär.

Gullugyň hünärmenleri orbitadaky emeli hemralaryň güýçli gün tupanlaryna garşy çydamlylygynyň pesdigini mälim edýärler.

Belläp geçsek, 1989-njy ýylda Kanadanyň Kwebek welaýatynda gün tupany sebäpli 9 sagat elektrik togy kesildi.