logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Dünýäde /BMG: El-Ninýo hadysasy soňky 40 ýylyň iň güýçli derejesine ýetip biler
  27.10.2026
162
BMG: El-Ninýo hadysasy soňky 40 ýylyň iň güýçli derejesine ýetip biler

Bütindünýä Meteorologiýa Guramasynyň (BMG) çaklamalaryna görä, häzirki wagtda güýçlenýän El-Ninýo hadysasy soňky dört onýyllygyň dowamynda hasaba alnan görkezijilerden hem ýokary derejä ýetip biler. Bu barada guramanyň Baş sekretary Seleste Saulo Ženewada Global möwsümleýin klimat boýunça täze çaklamanyň tanyşdyrylyşynda mälim etdi.

 

Seleste Saulonyň bellemegine görä, El-Ninýo hadysasynyň iň ýokary derejesine 2026-njy ýylyň ahyrynda ýetmegine garaşylýar. Şol bir wagtyň özünde, onuň howa şertlerine ýetirýän täsirleri bu döwürden soň hem dowam edip biler.

 

BMG-niň çaklamasyna görä, hadysanyň esasy täsir edýän sebitleriniň biri bolan tropiki Ýuwaş ummanynda deňiz üstüniň temperaturasy 2026-njy ýylyň noýabr aýyndan 2027-nji ýylyň ýanwaryna çenli adaty görkezijiden 3,8 gradus Selsiýa çenli ýokary bolup biler.

 

Guramanyň duýdurmagyna görä, El-Ninýonyň güýçlenmegi dünýäniň dürli künjeklerinde howply meteorologik hadysalaryň ýüze çykmak ähtimallygyny ýokarlandyryp biler. Gündogar Afrikanyň käbir sebitlerinde güýçli ygallar we suw joşmalary bolup bilse, Günorta Afrikada gurakçylyk töwekgelçiligi artar.

 

Günorta-Gündogar Aziýada howanyň aşa gyzmagy we ygalyň azalmagy mümkin. Amerikanyň käbir sebitlerinde bolsa güýçli ýagyşlar ýa-da uzak wagtlap dowam edýän gurakçylyk ýaly howa hadysalaryna garaşylýar.

 

Şunuň bilen baglylykda, Bütindünýä Meteorologiýa Guramasy ýurtlary howply tebigy hadysalar barada ilaty öz wagtynda habardar etmek üçin irki duýduryş ulgamlaryny kämilleşdirmäge we adatdan daşary ýagdaýlara taýýarlygy güýçlendirmäge çagyrdy.

 

Maksat SÄHETMYRADOW,
Türkmen döwlet maliýe institutynyň talyby.