Golaýda, Türkmenistanyň Belarus Respublikasyndaky ilçihanasy «Türkmenistanyň ulag ulgamynda gazanan üstünlikleri we Ahal welaýatynyň täze dolandyryş merkezi — täze Arkadag şäheri» mowzugy boýunça brifing geçirdi. Bu brifinge mugallymlar we Belarus Döwlet awiasiýa akademiýasynyň talyplary çagyryldy.

Brifingiň dowamynda Türkmenistanyň Belarus Respublikasyndaky Adatdan daşary we Doly ygtyýarly ilçisi, Ahal welaýatynyň täze dolandyryş merkeziniň — Arkadag şäheriniň gurluşygy barada gürrüň berdi. Brifingiň dowamynda Türkmenistanyň ulag ulgamynda gazanylan üstünlikler dogrusynda çykyş edildi, şeýle-de Belarus Respublikasyndaky Türkmenistanyň ilçihanasy tarapyndan taýýarlanan Arkadag şäheri barada gürrüň berýän wideoşekiller görkezildi.

Brifing bilen ugurdaşlykda ilçihanda türkmen halkynyň taryhyny, şu gününi, şeýle-de milli we medeni gymmatlyklaryny şöhlelendirýän sergi hem guraldy. 

Ýazberdi ÝAZBERDIÝEW,

Türkmen döwlet binagärlik-gurluşyk
institutynyň talyby.