Ahal welaýaty
logo

Soňky täzelikler:
✦ Ylym-bilim ulgamyndaky halkara tejribeler ✦ ✦ Suratkeşiň döredijilik ylhamy ✦ ✦ Sarahs etraby 48 müň 100 tonna bugdaý hasylyny almagy maksat edinýär ✦ ✦ Nebitgaz pudagy — ykdysadyýetiň möhüm ugry ✦ ✦ Lexicon bilim platformasy Türkmenistanyň ähli künjeginden iňlis dili halypalaryny çagyrýar ✦ ✦ Antibiotikler adam saglygyna zyýanlymy? ✦ ✦ Sanly saglygy goraýyş ulgamynyň ösüşi ✦ ✦ «Soňky jaň» mynasybetli dabaralar geçirildi ✦ ✦ Ýaşlar baradaky alada döwletimiziň ileri tutulýan wezipesidir ✦ ✦ Çagalar baradaky alada — geljek hakda alada ✦
Baş sahypa / Syýasat /Bedenterbiýe we sport baradaky döwlet komitetine Parižde geçiriljek Olimpiýa oýunlaryna ylmy esasda taýýarlanmagy üpjün etmek tabşyryldy
  25.03.2023
880
Bedenterbiýe we sport baradaky döwlet komitetine Parižde geçiriljek Olimpiýa oýunlaryna ylmy esasda taýýarlanmagy üpjün etmek tabşyryldy

2024-nji ýylda Fransiýa Respublikasynyň Pariž şäherinde geçiriljek XXXIII tomusky Olimpiýa we XVII tomusky Paralimpiýa oýunlaryna Türkmenistanyň milli ýygyndy toparlaryny ylmy esasda taýýarlamak maksady bilen, Türkmenistanyň Prezidenti Karara gol çekdi. Resminama laýyklykda, Bedenterbiýe we sport baradaky döwlet komitetine:

— ýokarda agzalan oýunlara ylmy esasda taýýarlanmagy üpjün etmek;

— degişli ministrlikler we pudaklaýyn dolandyryş edaralary bilen bilelikde degişli maksatnamany, ony amala aşyrmak boýunça ýerine ýetirilmeli çäreleriň meýilnamasyny işläp taýýarlamak we tassyklamak tabşyryldy.

Şeýle hem resminama laýyklykda, degişli ministrlikler, pudaklaýyn dolandyryş edaralary maksatnamada we meýilnamada göz öňünde tutulan çäreleriň ýerine ýetirilmeginde Bedenterbiýe we sport baradaky döwlet komitetine ýardam bermäge borçly edildi.

 

TDH.